SLI ലോൺ Loan from SLI

 SLI ലോൺ

പോളിസിയുടെ സറണ്ടർ മൂല്യത്തിന്റെ പരമാവധി 90% വരെ പ്രതിവർഷം 9% പലിശയിൽ ലോൺ അനുവദിക്കുന്നതാണ്.
വായ്പയുടെ സെക്യൂരിറ്റിയായി ഇൻഷുറൻസ് ഓഫീസറെ പരിഗണിക്കുന്നു.

നിയമങ്ങൾ പ്രകാരം അനുവദിച്ച ലോൺ പ്രീമിയത്തോടൊപ്പം 36 ൽ കൂടാത്ത പ്രതിമാസ തവണകളായി തിരിച്ചടയ്ക്കണം.

അത്തരത്തിലുള്ള വായ്പയുടെ തിരിച്ചടവ് ബന്ധപ്പെട്ട ഉദ്യോഗസ്ഥന്റെ ശമ്പള ബില്ലിലോ പ്രത്യേകം കാണിക്കുകയോ സംസ്ഥാന ലൈഫ് ഇൻഷുറൻസ് ഫണ്ടിന്റെ ക്രെഡിറ്റിലേക്ക് പ്രത്യേക ചലാനുകൾ പ്രകാരം ട്രഷറിയിൽ അടയ്ക്കുകയോ ചെയ്യാം. കാണിച്ചിരിക്കുന്ന തീയതി വരെയുള്ള പലിശ ലോണിന്റെ പ്രിൻസിപ്പലിനെതിരെ നീക്കിവയ്ക്കുന്നതിന് മുമ്പ് ക്ലിയർ ചെയ്യണം.
ലോൺ പോളിസിയുടെ പ്രാഥമിക ചാർജായിരിക്കും കൂടാതെ പോളിസി സറണ്ടർ ചെയ്താൽ സറണ്ടർ മൂല്യത്തിൽ നിന്നോ അല്ലെങ്കിൽ പോളിസി മരണമോ മെച്യൂരിറ്റിയോ ആയി ക്ലെയിം ആകുകയാണെങ്കിൽ അഷ്വേർഡ് തുകയിൽ നിന്നോ കുടിശ്ശികയുള്ള പേയ്‌മെന്റ് കുറയ്ക്കും.

SLI  Procedure

▫ പോളിസി എടുത്ത് മൂന്ന് വർഷം കഴിയണം.

▫ലോൺ അപേക്ഷ ഇൻഷ്വറൻസ് വകുപ്പിന്‍റെ സൈറ്റിൽ നിന്നും ഡൗൺലോഡ് ചെയ്യാം.

▫അപേക്ഷ പൂരിപ്പിച്ച് ഓഫീസ് മേധാവിയുടെ കത്ത് സഹിതം ജില്ലാ ഇൻഷ്വറൻസ് ഓഫീസിൽ നേരിട്ട് എത്തിക്കണം. തപാലിൽ അയക്കരുത്

▫അപേക്ഷയോടൊപ്പം പാസ്ബുക്ക്, പോളിസി സർട്ടിഫിക്കറ്റ് എന്നിവ വേണം.

▫ബാങ്ക് പാസ്ബുക്കിന്റെ കോപ്പിയും കൊടുക്കണം.

▫അപേക്ഷ കൊടുത്ത് ഒരാഴ്ചക്കകം ലോൺ തുക അക്കൗണ്ടിൽ വരുന്നതായിരിക്കും.

▫ലോൺ പാസായി ഒരാഴ്ചക്കകം ഓഫീസിൽ പോയി പാസ്ബുക്ക് തിരികെ കൈപ്പറ്റണം.

▫ശമ്പളത്തിൽ നിന്നും റിക്കവറി നടത്തുന്നത് സംബന്ധിച്ച് DDOക്ക് ഉള്ള ഉത്തരവ് പ്രകാരം സ്പാർക്കിൽ ( In tge case of Departments )റിക്കവറി നടത്തുക.

▫പരമാവധി 36 തവണയായി തിരിച്ചടക്കാം.

▫PF വായ്പ പോലെ പൂർണമായി തിരിച്ചടക്കുന്നതിന് മുമ്പ് അടുത്ത ലോൺ എടുക്കാം. ബാക്കി അടക്കാനുള്ള തുക തട്ടിക്കിഴിച്ച് ലോൺ കിട്ടും.

▫രണ്ടാമത്തെ ലോൺ മുതൽ അപേക്ഷയോടൊപ്പം Deduction statement കൂടി വെക്കണം. കൂടാതെ Spark ൽ നിന്നുള്ള PBR ന്‍റെ കോപ്പിയും വെക്കണം.

Search Post

Label :